नमुना नेपाल

नेपाल भित्रको नेपाल ‘नमुना नेपाल’
४ वटा एकीकृत नमुना बस्ती निर्माण सम्पन्न गरी पाँचौं महत्वपुर्ण र राष्ट्रिय गौरवको परियोजनाको परिकल्पना गरी यस धुर्मुस सुन्तली फाउण्डेशनले बहुल जातजाती, भाषा भाषी, धर्म, संस्कृती तथा हिमाल, पहाड र तराईको बिशेषता झल्कने नमुना नेपाल परियोजनाको अवधारणा २०७४ जेष्ठ २२ गते कार्की ब्याङक्वेट, बबरमहलमा पत्रकार सम्मेलन गरी सार्वजनिक गरेको थियो ।  
 

क्र.स स्वीकृति तथा सहमतीका लागी पत्राचार गरिएको कार्यालयहरु चिठ्ठी पेश गरिएको मिति अनुमति पत्र पाएको मिति
गोदावरी नगरपालिका वडा न ४ र ५  २०७४/०३/०१ २०७४/०३/०६
महतगाउँ सल्लाघारी बन उपभोक्ता समूह  २०७४/०३/०१ २०७४/०३/०५
लालीगुराँस समुदायिक बन  उपभोक्ता समूह  २०७४/०३/०१ २०७४/०३/०५
बनदेवी समुदायिक बन  उपभोक्ता समूह  २०७४/०३/०१ प्रक्रियामा  रहेको 
चण्डोल मासडाँडा समुदायिक बन  उपभोक्ता समूह  २०७४/०३/०१ प्रक्रियामा  रहेको
जिल्ला राजनीतिक दल (नेकपा एमाले,राष्ट्रिय प्रजातन्त्र पार्टी, नेपाली कांग्रेस, एकिकृत माओबादी केन्द्र, नेकपा माओबादी बैध्य, नेकपा माओबादी विप्लप , नँया शक्ति पार्टी ) २०७४/०३/०४ र २०७४/०३/०६ प्रक्रियामा  रहेको
गोदावरी नगरपालिका २०७४/०३/०४ २०७४/०३/०६
वडा कमिटि  (नेकपा एमाले,राष्ट्रिय प्रजातन्त्र पार्टी, नेपाली कांग्रेस, एकिकृत माओबादी केन्द्र, नेकपा माओबादी बैध्य, नेकपा माओबादी विप्लप , नँया शक्ति पार्टी ) २०७४/०३/०५ प्रक्रियामा  रहेको
वन मन्त्रालय २०७४/०३/०६ प्रक्रियामा  रहेको

गोदावरी नगरपालिकाको सहमति पत्र वडा नं ४ र ५ को सहमति पत्र, महतगाउँ सल्लाघारी बन उपभोक्ता समुहको सहमति पत्र, लालिगुराँस सामुदायिक बन उपभोक्ता समुहको सहमति पत्रको आधारमा संस्कृति पर्यटन, तथा नागरीक उड्डयन मन्त्रालयमा २०७४/३/८ का दिन नमुना नेपालको परियोजना प्रस्तावना र जग्गा उपलब्ध गर्ने विषयमा पत्र पेश गरियो । सोही अनरुप उक्त मन्त्रालयले संघीय मामिला तथा स्थानीय विकास मन्त्रालय, बन तथा भू संरक्षण मन्त्रालय, शहरी विकास मन्त्रालय र भुमि सुधार मन्त्रालयलाई राय सुझावका लागि पत्राचार गरे अनुरुप संघीय मामिला तथा स्थानीय विकास मन्त्रालय र शहरी विकास मन्त्रालयको सहमति पत्र आइसकेको व्यहोरा जानकारी हुन आएको छ ।

हाल चालु कार्यहरु:
परियोजनासंग सम्बन्धित विभिन्न विज्ञ तथा ज्ञाताहरु र निम्न नेपाल सरकारका विभिन्न मन्त्रालय, विभाग र निकायहरुसगं भेटघाट छलफल तथा परामर्श गरी राय सल्लाह सुझाव संकलन गर्ने कार्य जारी रहेको छ ।

परियोजनासगं सम्बन्धित कार्यालयहरु

  •    प्रधानमन्त्रीको कार्यालय
  •    मुख्य सचिवको कार्यालय
  •    भुमिसुधार मन्त्रालय
  •    वन मन्त्रालय
  •    नापी विभाग
  •    संस्कृति पर्यटन, तथा नागरीक उड्डयन मन्त्रालय
  •    गोदावरी नगरपालिका
  •    जिल्ला वन कार्यालय
  •    जिल्ला प्रशासन कार्यालय
  •    जिल्ला भुमिसुधार कार्यालय
  •    सम्पूर्ण राजनैतिक दलका जिल्ला कार्यालय

२०७४/०३/१३ गते केही स्थानीय बासीले विमति पत्र धुर्मुस सुन्तली फाउण्डेशनको कार्यालयमा बुझाएका थिए, त्यही पत्रको आधारमा सो समुहसंग विमतिका बुदाँमा छलफल गरि आपसी समझदारी गर्ने क्रममा जुटिरहेका छौं ।

परियोजनाका लागि स्थान छनौटका क्रममा अवलोकन गरिएका स्थानहरु :

  •     लेले/वडिखेल क्षेत्र, गोदावरी नगरपालिका, ललितपुर
  •     टोखा, टोखा नगरपालिका (व्यक्तिगत जग्गा ३०० रोपनी), काठमाण्डौं
  •     मुलाकोट, चाँगुनारायण नगरपालिका, भक्तपुर
  •     वेला वन, पाचँखाल नगरपालिका, काभ्रे 
  •     खावा, धुलिखेल नगरपालिका, काभ्रे
  •     तारामाराङ व्यक्तिगत जग्गा १५०० रोपनी मेलम्ची नगरपालिका, सिन्धुपाल्चोक
  •     खरिढुङगा सार्वजनिक चौर, दोलखा
  •     आपचौर, थानापति गाँउपालिका, नुवाकोट
  •     व्यक्तिगत जग्गा २००० रोपनी, रामेछाप
  •    माननीय मनोहर नारायण श्रेष्ठ १००० रोपनी, धनकुटा
  •     पालुङ व्यक्तिगत जग्गा + सार्वजनिक जगंल पालुङ नगरपालिका, मकवानपुर
  •     माडि, चितवन

यस परियोजना निर्माण संगै उक्त स्थानको पुर्वाधार बिकास र अन्य मानविय आवश्यकताहरुको परिपूर्ती हुनेछ । परियोजना निर्माण संगै देशको नयाँ आयाम सुरुवात हुने हाम्रो विश्वास छ । देशमा भएका विभिन्न जातजातीका गरिब तथा पिछडिएकाहरुले सुरक्षित आवास पाउनेछन् ।  एकीकृत बस्ती विकास लगायतका कुराहरुले निरन्तरता पाउनेछ । जसबाट नेपालमा पर्यटनको थप विकास सगैं देशको आर्थिक स्तरलाई माथि उकास्न सहयोग पुग्नेछ भने नेपालका बारेमा जान्न, बुझ्न र सिक्ने चाहनेहरुका लागि नमूना नेपाल एउटा अध्ययन अनुसन्धान केन्द्र बन्नेछ ।